PANEMMOAN ASTA BUJU’ PANAONGAN, PASONGSONGAN,
KABUPATEN SUMENEP
Kronologi epon panemmoan Buju’ Panaongan enggi memang bannya’ cemmacem versi, lerres dhari media cetak ato epon media elektronik. Saengge kaula nemmoi langsung juru kunci makam sareng arebbhan oneng dhari kelerressan careta panemmoan KOMPLEK MAKAM BUJU’ PANAONGAN se lerres.
Asma epon enggi paneka Bapak Syafi’e (Panemmo Buju’ Panaongan). Menurut careta beliau panemmoan komplek makam buju’ Panaongan e awwali sareng mimpi epon binina se sering e dhatengnge oreng bini’ toa se ngako sala settong jasad se e kobhur e tempat panemmoan ka’dhissa.
Karana mimpi ka’dhinto serring kadhaddhian benni coma sakale dhukale, akhera beliau ngale ghunung paser sama sareng se e tunjuk oreng bini’ toa dhalam mimpi binina, tarnyata mimpina binina ka’dhinto lerres.
Bato nisan se partama kale e temmo a toles asma NYAI UMMU NATI sareng tolesan arab se atoles taon 1218 tanpa keterangan Masehi otaba Hijriyyah. Saterrossa e temmo pole bato nisan se kadhua’ atoles asma SAIKH AL ARIF ABU SAID taon 1112. Samarena ngale tanyata bhates komplek makan gi’ bhada. Se Bpk. Imam Syafi’I mengnga’ enggi paneka kadhaddhian panemmoan makan ka’dhinto tanggal 9 Bulan 9 Taon 1999 ban nisan se atoles nyama enggi jughan badha 9. Asma Panaongan e kala’ dhari asma Dhisa Lokasi panemoan.
